શું તમે "ડિલીટ" અથવા "નિષ્ક્રિય" વિકલ્પ પસંદ કરવાનો પ્રયાસ કરી રહ્યા છો, પરંતુ એપ તમને તે કરવાની મંજૂરી નથી આપી રહી? ચિંતા કરશો નહીં, આ કોઈ ટેક્નિકલ સમસ્યા નથી.
તમારી ખરીદીની સુરક્ષા અને તમામ પ્રક્રિયા યોગ્ય રીતે ચાલે તે માટે અમારી સિસ્ટમમાં કેટલીક જરૂરી સુરક્ષા ચકાસણીઓ રાખવામાં આવી છે. જો તમને કોઈ એરર દેખાઈ રહી હોય, તો શક્ય છે કે તે નીચેના કારણોમાંથી કોઈ એક કારણસર હોય:
- તમારી પાસે સક્રિય સબ્સ્ક્રિપ્શન્સ છે
જો તમારી પાસે હાલમાં સક્રિય પ્રીમિયમ સબ્સ્ક્રિપ્શન (વાર્તાઓ, ઓડિયો અથવા કોમિક્સ માટે) હોય અથવા તમે કોઈ લેખકના સુપરફેન સબ્સ્ક્રાઇબર હો, તો તમે તમારું એકાઉન્ટ ડિલીટ કરી શકશો નહીં.
ઉકેલ: કૃપા કરીને તમારું અત્યારનું સબ્સ્ક્રિપ્શન પૂર્ણ થાય ત્યાં સુધી રાહ જુઓ અથવા પહેલા તેને તમારા એપ સ્ટોર / પ્લે સ્ટોર સેટિંગ્સ દ્વારા રદ કરો.
- તમારા એકાઉન્ટમાં હજુ સિક્કા બાકી છે
શું તમારા વૉલેટમાં હજુ ઉપયોગ ન કરેલા સિક્કા બાકી છે? અમે નથી ઇચ્છતા કે તમે ખરીદેલા સિક્કાઓનો લાભ ગુમાવો.
ઉકેલ: તમારું એકાઉન્ટ ડિલીટ અથવા નિષ્ક્રિય કરવા પહેલાં, તમારા એકાઉન્ટમાં રહેલા બાકી સિક્કાઓનો ઉપયોગ કરવો જરૂરી છે. ત્યારબાદ જ તમે એકાઉન્ટ બંધ કરી શકશો.
- તમે આવક મેળવનારા લેખક છો
જો તમે ગોલ્ડન બેજ ધરાવતા લેખક છો (અર્થાત તમે તમારી વાર્તાઓથી આવક મેળવવા માટે પાત્ર છો), તો તમારી આવક અને વાચકોના હિતને ધ્યાનમાં રાખીને એકાઉન્ટ ડિલીટ કરવાનો વિકલ્પ મર્યાદિત કરવામાં આવે છે.
ઉકેલ: કૃપા કરીને તમારા એકાઉન્ટને બંધ કરવા માટે અમારી સપોર્ટ ટીમનો સીધો સંપર્ક કરો, જેથી અમે તમને યોગ્ય રીતે મદદ કરી શકીએ.
તમારા એકાઉન્ટ સાથે ઈમેલ જોડાયેલ નથી
સુરક્ષાના કારણોસર, એકાઉન્ટ ડિલીટ કરવાની ખાતરી માટે તમારા એકાઉન્ટ સાથે ઈમેલ સરનામું જોડાયેલ હોવું જરૂરી છે.
ઉકેલ: તમારી પ્રોફાઇલ સેટિંગ્સમાં જઈને ઈમેલ સરનામું ઉમેરો, તેને વેરિફાય કરો અને ત્યારબાદ ફરી પ્રયાસ કરો.
હજુ પણ સમસ્યા આવી રહી છે? જો ઉપરના કોઈપણ કારણો તમારા માટે લાગુ પડતા ન હોય અને છતાં પણ તમે તમારું એકાઉન્ટ ડિલીટ ન કરી શકતા/શકતી હો, તો કૃપા કરીને અમારી સપોર્ટ ટીમનો સંપર્ક કરો. અમે તમને મદદ કરવા માટે ખુશીથી તૈયાર છીએ!