પરિણામ : 10K લેખન ચેલેન્જ સ્પર્ધા

10 મે 2023

પ્રિય લેખકમિત્રો,

10K લેખન ચેલેન્જ સ્પર્ધામાં સફળતાપૂર્વક ધારાવાહિક વાર્તા લખનાર તમામ લેખકોને ખૂબ ખૂબ અભિનંદન! પરિણામમાં તમારી ધારાવાહિક વાર્તા સ્થાન પામી છે કે નહિ તેના કરતા સફળતાપૂર્વક ચેલેન્જ પૂર્ણ કરવી મોટી વાત છે! આ સ્પર્ધામાં 180+ ધારાવાહિક વાર્તાઓ સબમિટ થઈ હતી. જેને વિવિધ પરિમાણો અનુસાર નિર્ણાયકોએ તપાસી છે.

નિર્ણાયકોના શબ્દો, "આ ટૂંકી ધારાવાહિક સ્પર્ધામાં ઘણા લેખકોએ સારી ધારાવાહિક વાર્તા લખવા પ્રયાસ કર્યા. હ્રદયસ્પર્શી રોમાન્સથી લઈને કાળજું કંપાવી દે એવી હોરર વાર્તાઓ પણ જોવા મળી. આટલી વિવિધ લાગણીઓથી તરબતોળ ધારાવાહિક લખનાર લેખકોનું જીવન ઉજ્જવળ છે!

ખેર સ્પર્ધા હોવાથી વધુ ધારાવાહિકને વિજેતા જાહેર કરવી શક્ય નથી. તેથી પ્લોટ અને પાત્રો જેવી બાબતો સાથે અમે જે શ્રેણી કે થીમમાં વાર્તા લખવામાં આવી હતી તે શ્રેણી કે થીમમાં વાર્તાના શબ્દો, લખાણ, વાંચન માટેની પકડ અને વાંચનમાં રસ દૂર ન કરે તેવા સામાન્ય વ્યાકરણ જેવી બાબતોના આધારે વાર્તાની ગૂંથણી કેવી રહી તે ચકાસ્યું અને પછી ચર્ચા-વિચારણા કરીને વિજેતા ધારાવાહિક વાર્તાઓની પસંદગી કરી.

અહીં પરિણામમાં પ્રકાશિત થયેલી તમામ 50 ધારાવાહિક વાર્તાઓ ઉત્તમ છે. અન્ય ધારાવાહિક વાર્તાઓમાં ઘણા સારા પ્રયત્ન જોવા મળ્યા છે. તમામ સ્પર્ધકોને અઢળક અભિનંદન! વાર્તાના વિશ્વમાં વધુ ઊંડા ઉતરશો. નવી થીમ કે શ્રેણીમાં વાર્તાઓ ઘડવાનો પ્રયાસ કરતા રહેશો.”