પ્રતિલિપિતમારી પ્રતિલિપિ
પ્રિય લેખક,
ઘણા સમયથી અમને લાગતું હતું કે અમારે તમને લખવું જોઈએ, એક કંપની તરીકે નહીં, પરંતુ પ્રતિલિપિમાં કામ કરતા લોકો તરીકે. આમ જોઈએ તો પ્રતિલિપિની ટીમના ઘણા સભ્યો પોતે પણ લેખકો છે.
અમને ખબર છે કે જ્યારે કોઈ વાચક કોઈ વાર્તા વાંચે છે, ત્યારે તેને માત્ર પ્રકાશિત રચના જ દેખાય છે, પરંતુ લખાણ પાછળનું લેખકનું જીવન કદાચ અજાણ્યું રહે છે. ઓફિસના થાકેલા દિવસ પછી કે ઘરકામ વચ્ચે લખવું, જીવન અને લેખન વચ્ચે સંતુલન રાખવાનો પ્રયત્ન કરવો, મનમાં વાર્તાને ઘણા દિવસો સુધી જીવંત રાખવી, આત્મવિશ્વાસની કમી સાથે પણ રોજે લખવા બેસવું, ક્યારેક એકાદ રીવ્યુને લીધે પણ અધૂરા ડ્રાફ્ટ્સ છોડી દેવા, પબ્લિશ કરતી વખતે થતો સંકોચ અને છતાં પણ આ આશા રાખવી કે ક્યાંક આ વાર્તા તેના લાયક વાચક સુધી જરૂર પહોંચશે.
લખવું ઘણીવાર ખૂબ એકલું લાગે છે. પરંતુ એ જ સમયે તે મનને શાંતિ આપનાર પણ બની શકે છે. વર્ષો દરમિયાન ઘણા લેખકોએ અમને લખીને જણાવ્યું છે કે લેખન તેમને જીવનના મુશ્કેલ સમય અને આંતરિક સંઘર્ષમાંથી બહાર આવવામાં મદદરૂપ બન્યું છે. એ જ કારણ છે કે અમે લેખનની પ્રક્રિયાને ખુબ માનથી જોઈએ છીએ. લખવું એ જગતની સૌથી સુંદરતમ કળાઓમાંથી એક છે.
છેલ્લા થોડા મહિનાઓમાં અમે આપમાંથી ઘણા લોકો સાથે અમારી વીકલી કોમ્યુનિટી સેશન દ્વારા વાત કરી છે.
તાજેતરમાં અમે એક મહત્વના પ્રશ્ન પર વિચાર કરી રહ્યા છીએ કે પ્રેમકથાઓ સિવાયની વાર્તાઓ પણ વધુ વાચકો સુધી કેવી રીતે પહોંચી શકે. પ્રતિલિપિ પર પ્રેમકથાઓનું સ્થાન હંમેશા મહત્વપૂર્ણ રહેશે. પરંતુ હોરર, સસ્પેન્સ અને થ્રિલર જેવી વિવિધ શ્રેણીની વાર્તાઓને પણ યોગ્ય રીતે વાચકો સુધી પહોંચવું જરૂરી છે. આથી લેખકોને આત્મવિશ્વાસ મળશે તેઓ વાચકો અથવા કમાણીની ચિંતા કર્યા વગર નવા વિષયો પર લખી શકે. આ દિશામાં અમે સક્રિય રીતે કામ કરી રહ્યા છીએ.
આ દિશામાં આગળ વધતા અમે એક નવી સ્પર્ધા પણ શરૂ કરી છે જેમાં તમે હોરર, ક્રાઇમ થ્રિલર અથવા ફેન્ટસી વાર્તાઓ લખી શકો છો. ભાગ લેવા અને તમારા વાચકો વધારવા માટે આ (https://gujarati.pratilipi.com/event/klc9y0r629) પર ક્લિક કરો.
બાય ધ વે…જો શક્ય હોય તો આપની ફીડબેક જરૂર આપશો.
જો પ્રતિલિપિ પર આપનો અનુભવ કેવો રહ્યો છે, શું સારું કામ કરે છે, શું સુધારવાની જરૂર છે, અથવા આગળ અમે શું બનાવીએ તેવી આપની આશા છે તો કૃપા કરીને અમને અહીં શેર કરો -
અમારી ટીમ પ્રત્યેક ઈનપુટ વાંચશે.
લખવા બદલ આભાર. અટક્યા વિના સતત લખતાં રહેવા બદલ આભાર, ભલે રસ્તો ક્યારેક અનિશ્ચિત લાગ્યો, છતાં તમારા શબ્દો પ્રતિલિપિને સોંપ્યા, એ ભરોસા બદલ આભાર.
તમારી,
પ્રતિલિપિ