વિભિન્ન લાગણીઓની પ્રેમકથા લખવા માટે અવનવા પ્લોટની યાદી:

આપણે સૌ જાણીએ છીએ કે પ્રેમકથા સૌથી લોકપ્રિય સાહિત્ય-પ્રકાર છે. તેમાં પ્રતિલિપિના વાચકો પણ ક્યાંથી બાકાત રહે? પ્રતિલિપિમાં તમામ ભાષાઓમાં ડેટા એનાલિસિસ કરતા અમારા જાણવામાં આવ્યું છે કે નીચેના વિષયોના આધારે લખાયેલી વાર્તાઓ વાચકોને વધુ આકર્ષિત કરવામાં આગળ રહી છે:

 

1. વેમ્પાયરની પ્રેમકહાણી

2. બોસ/મેનેજર/CEO સાથેની પ્રેમકહાણી

3. કોન્ટ્રેક્ટ પ્રેમ/મેરેજ / શરતો વાળો પ્રેમ

 

આ ત્રણ વિષયવસ્તુ પર લખવા માટે આપને અવનવા વિચારો મળે તે માટે અમે વિવિધ પ્લોટની યાદી બનાવી છે.

 

તો પછી રાહ શેની જુઓ છો? આજે જ તમારી આગામી બેસ્ટસેલર ધારાવાહિક લખવાની શરૂઆત કરો!

 

વેમ્પાયરની પ્રેમકહાણી લખવા માટેના પ્લોટ:

 

1. આપણા નાયક અને નાયિકા એકબીજાના પ્રેમમાં પડે છે. નાયક ખૂબ જ બહિર્મુખી અને નાયિકા ખૂબ શરમાળ અને અંતર્મુખી હોય છે. તેણી એકલી રહેતી હોય છે. નાયક સિવાય તેના કોઈ મિત્રો કે કોઈ સગાસંબંધીઓ નથી હોતા એવું નાયકને જાણવા મળે છે. બંનેનો પ્રેમ ધીરેધીરે વધતો હોય છે પણ એક દિવસ અચાનક નાયક નાયિકાના ભયાનક મોટા દાંત જોવે છે અને એને જાણવા મળે છે કે એની પ્રેમિકા કોઈ સાધારણ છોકરી નહિ પણ એક વેમ્પાયર છે! આગળ શું થશે? શું તે બંનેની પ્રેમકહાણી આગળ વધી શકશે? શું વેમ્પાયર અને મનુષ્યનું જીવન એક બની શકશે? શું રાઝ હશે નાયિકાનો વેમ્પાયર બનવા પાછળનો?

 

2. અમુક મહિનાઓના સંબંધ પછી આપણી નાયિકાને જાણવા મળે છે કે તેનો બોયફ્રેન્ડ એટલે કે આપણો નાયક એક વેમ્પાયર છે. આ જાણી ડરના માર્યે તે બ્રેકઅપ કરી નાખે છે અને નાયક વેમ્પાયરથી હંમેશા દૂર રહેવાનું નક્કી કરે છે. જોકે તેનો વેમ્પાયર બોયફ્રેન્ડ તેને ખૂબ પ્રેમ કરતો હોવાથી કોઈ પણ રીતે તેની પ્રેમિકાની રક્ષા કરવા નિર્ણય લે છે અને નાયિકાને વિવિધ રીતે મદદ કરે છે, પછી અચાનક એ બંનેનો ફરી સામનો થાય છે! આગળ શું થશે? શું તે બંનેની પ્રેમકહાણી આગળ વધી શકશે? શું રાઝ હશે નાયિકનો વેમ્પાયર બનવા પાછળનો?

 

3. વેમ્પાયર જગતનો આપણો હેન્ડસમ નાયક આપણી મનુષ્ય નાયિકાના પ્રેમમાં પડીને તેને પામવા માટે એને ફસાવવાનો પ્રયાસ કરે છે. આપણી નાયિકાનો બીજો ફ્રેન્ડ પણ તેને પ્રેમ કરતો હોય છે અને તે એને પ્રપોઝ કરવાનું વિચારી રહ્યો છે ત્યાં તેને નાયિકા પર કોઈ મુશ્કેલી મંડરાતી હોય એવા અણસાર આવે છે. શું તે નાયિકાને વેમ્પાયરના પ્રકોપથી બચાવી શકશે? આ લવ ટ્રાઇન્ગલમાં આગળ શું થશે? શું વેમ્પાયરના પ્રેમની જીત થશે કે પછી તે પોતે બની જશે પ્રેમમાં શિકાર?

 

4. 2070નું વર્ષ, વિશ્વ બદલાઈ ચૂક્યું છે. અનેક ક્ષેત્રોમાં મશીન માણસોનું સ્થાન લઈ ચૂક્યા છે. એક સામાજિક કાર્યકર્તા આપણી નાયિકાની શહેરથી દૂર રહેતા આપણા નાયક સાથે મુલાકાત થાય છે. તેણી તેના પ્રેમમાં પડે છે પણ પાછળથી એને જાણવા મળે છે કે નાયક એક મિશન પર છે. તેના પોતાના સમુદાયને બચાવવાનું મિશન - વેમ્પાયર સમુદાય! શું તે એક વેમ્પાયરના પ્રેમમાં પડશે? શું નાયક વેમ્પાયર એને અપનાવશે? શું તેઓ મિશન પર સાથે આગળ વધશે? કેવી રહેશે આ વિચિત્ર પ્રેમકથા?

 

5. દસમાં ધોરણમાં ભણતી આપણી નાયિકાને હંમેશા તેના કલાસના બીજા છોકરાઓ હેરાન કરતાં હોય છે. પછી તેના ક્લાસમાં એક નવો વિદ્યાર્થી આવે છે જે બીજા સૌ કરતાં કઈક જુદો હોય છે. તે આપણો નાયક હોય છે! ધીમેધીમે બંને મિત્રો બને છે. શાળામાં રિસેસ દરમિયાન ઘણીવાર નાયક શાળાની બહાર જતો હોય છે. એકવાર નાયિકા એનો પીછો કરે છે અને દ્રશ્ય જોઈને એનું કાળજું કંપી ઉઠે છે! તેણે નાયકનો ભયાનક ચહેરો જોયો. મોટી આંખ, લોહીલુહાણ મોટા અને તીક્ષ્ણ દાંત! કોણ હતો આપણો નાયક? શું કારણ હશે એના આ રૂપનું? શું થશે આપણી નાયિકાનું? 

બોસ/મેનેજર/CEO સાથેની પ્રેમકહાણી લખવા માટેના પ્લોટ:

 

1. આપણી નાયિકા મધ્યમ વર્ગીય પરિવારની એક શરમાળ અને મહેનતુ છોકરી. તે એક ઓફિસના સીઇઓની સેક્રેટરી તરીકે નોકરી કરે છે. તેનો બોસ (સીઇઓ) તેના એકતરફી પ્રેમમાં હોય છે. આ વાતથી નાયિકા અજાણ છે! એક દિવસ કોઈ ઓફિસ પાર્ટીમાં કંપનીના મેનેજર નાયિકાનું જાહેરમાં અપમાન કરે છે ત્યારે પ્રથમ વખત તેનો બોસ મક્કમતાથી તેનો સાથ આપીને તેને અપમાનથી બચાવે છે. શું તે પોતાના બોસનો પ્રેમ સમજી શકશે? તે શું પ્રતિક્રિયા આપશે? આ અપમાનને તે ક્યારેય ભૂલી શકશે? સેક્રેટરી તેના બોસની પ્રેમકથા આગળ વધી શકશે?

2. નાયિકાનો નવો બોસ આપણો નાયક ખૂબ જ ઘમંડી અને ઉદ્ધત માણસ છે. તે સૌ સાથે ખૂબ સખતાઈથી વર્તે છે. જ્યારે પૂજા તેનાથી તદ્દન વિરુદ્ધ સ્વભાવની છે, ખૂબ માયાળું! શું થાય જ્યારે આ બે ભિન્ન સ્વભાવની વ્યક્તિઓ પ્રેમમાં પડે? શું તેમના પ્રેમનું કોઈ ભવિષ્ય હશે? શું આ પ્રેમ એમના કામ પર અસર કરશે?

3. આપણી નાયિકા પોતાની પ્રથમ નોકરી માટે મુંબઈ જઈ રહી છે ત્યારે ટ્રેનમાં એક ખૂબ સહજ અને સોહમણા છોકરા સાથે તેણી મુલાકાત થાય છે. મુંબઈ પહોંચ્યા બાદ બંને ટ્રેન પ્રવાસ દરમિયાન થયેલી થોડી-ઘણી વાતચીતની મીઠી યાદો સાથે છૂટા પડે છે. નોકરીના પ્રથમ દિવસે નાયિકા અચંબામાં મુકાઇ જાય છે કારણ કે ટ્રેનમાં મળેલો એ જ છોકરો આપણો નાયક તેનો મેનેજર હતો! બંનેના નસીબમાં આગળ શું લખાયું હશે? શું તેમના વ્યાવસાયિક સંબંધો પ્રેમ સંબંધમાં પરિવર્તિત થશે? શું એક મેનેજર સાથે પ્રેમ કરવો નાયિકાને અઘરો પડશે?

4. આપણા નાયક અને નાયિકા એક જ કોર્પોરેટ કંપનીમાં કામ કરતાં મધ્યમ વર્ગીય પ્રેમીઓ છે. તેમણે પોતાના સંબંધ વિશે કોઈ પણ સહકર્મીને જાણ થવા દીધી નહિ. પણ એક દિવસ નાયકને તેના સહકર્મીઓ વચ્ચે થતી વાતચીતમાં જાણવા મળ્યું કે તેમનો બોસ તેની પ્રેમિકાને પસંદ કરે છે. તેને તાત્કાલિક કઈક વિચાર આવે છે. આ સ્થિતિને તે બંને અમીર બનવાની એક અમૂલ્ય તક તરીકે જોવે છે અને બોસને ફસાવવાનું નક્કી કરે છે. વાર્તામાં આગળ શું વળાંક આવશે?

5. આપણો નાયક એક ખૂબ જ દેખાવડો અને પ્રતિભાશાળી યુવાન છે અને પોતાની કંપનીનો સીઇઓ છે. કેટલીય છોકરીઓ તેની પાછળ ફિદા છે અને તે આ વાતનો ભરપૂર ફાયદો ઉઠાવે છે. છોકરીઓ જાણે તેના માટે કોઈ રમકડું હતી! આ તરફ અનાથ આશ્રમમાં ઉછરેલી આપણી નાયિકા એક અત્યંત માયાળું છોકરી છે. તે દસ દિવસથી નાયકની કંપનીમાં જોડાઈ છે. શું થશે જ્યારે પહેલીવાર એ બંનેની નજર એક બીજા પર પડશે? શું નાયક સુધરશે? કેવો હશે આ પ્રેમકથાનો અંત?

કોન્ટ્રેક્ટ પ્રેમ/મેરેજ / શરતો વાળો પ્રેમ વિષય પર લખવા માટેના પ્લોટ:

 

1. નાયકને તેની પ્રેમિકા દસ વર્ષના પ્રેમસંબંધ બાદ દગો આપે છે. હવે તે સ્ત્રીઓને નફરત કરે છે પણ સમૃદ્ધ પરિવારનો દીકરો હોવાથી તેના પર બિઝનેસ અને પરિવાર આગળ વધારવાની જવાબદારી છે. તેની એક કર્મચારી આપણી નાયિકા આર્થિક સંકડામણમાં હોવાથી તેની સાથે તે એક વર્ષના લગ્નજીવનમાં બાળક આપવાનો કોન્ટ્રેક્ટ કરે છે. બાળકનો જન્મ થતાંની સાથે જ બંને છૂટા પડવાનું નક્કી કરે છે. પણ શું નાયિકા પોતાના બાળકને છોડીને જઈ શકશે? શું આ કોન્ટ્રેક્ટ મેરેજમાં પ્રેમના અંકુર ફૂટશે? શું નાયક આ કોન્ટ્રેક્ટને ધ્યાનમાં લેશે?

2. નાયકનું તેની પ્રેમિકા સાથે બ્રેકઅપ થાય છે. નાયકને હતું કે દર વખતની જેમ તેની પ્રેમિકા જરૂર પાછી ફરશે. પરંતુ મહિનાઓ સુધી તેનો કોઈ સંપર્ક ન થતાં તે તેને ઈર્ષા થવા લાગી, એટલે તેણે પોતાની સેક્રેટરી નાયિકા સાથે લગ્નની જાહેરાત કરી. તે નાયિકાને લગ્નના 12 મહિના બાદ છૂટાછેડા આપી દેવાની શરત સાથે લગ્ન કરવા રાજી કરે છે. નાયિકાને પણ તેનો પરિવાર લગ્ન કરવા દબાણ કરી રહ્યો હોવાથી તે આ કરવા સહમતી આપે છે. શું તે બંને એકબીજાના પ્રેમમાં પડશે? શું નાયકની પ્રેમિકા પાછી ફરશે? પ્રેમની આ રમતમાં જીત કોની થશે?

3. આપણી નાયિકા એક સફળ અને ધનાઢ્ય સીઇઓ કોઈ પણ છોકરા સાથે એક વર્ષનો કોન્ટ્રેક્ટ કરીને તેની સાથે તમામ મોજશોખ કર્યા બાદ તેનાથી દૂર થઈ જાય. આવું તે દર વર્ષે પોતાની કંપનીના પોતાને મનગમતા કર્મચારી સાથે કરતી આવી છે. આપણો નાયક આ કંપનીમાં જોડાય છે અને થોડા જ સમયમાં તે નાયિકની નજરમાં વસી જાય છે. બંને એકબીજાથી ઘણા નજીક આવી રહ્યા હોય છે પરંતુ નાયિકા નથી જાણતી કે નાયક અહીં બદલો લેવા આવ્યો છે. શું હશે એ બદલો? શું પ્રેમ બદલા પર જીતશે? શું નાયિકા પ્રેમને સમજી શકશે? 

4. નાયક એક સમૃદ્ધ પરિવારનો બગડેલો દીકરો. તે કોલેજમાં સુંદર અને સ્માર્ટ આપણી નાયિકાને  એકતરફી પ્રેમ કરે છે. પણ નાયિકા આગળ અભ્યાસ કરવા વિદેશ જતી રહે છે અને નાયકના એક ગરીબ કુટુંબની શરમાળ અને  રૂઢિગત છોકરી સાથે લગ્ન થાય છે. વાસ્તવમાં નાયકને તેના પરિવારજનો લગ્ન માટે દબાણ કરી રહ્યા હતા તેથી તેણે આ એક વર્ષના કોન્ટ્રેક્ટ મેરેજ કર્યા છે. કેવું રહેશે એ બંનેનું લગ્નજીવન? એક વર્ષ બાદ જ્યારે નાયિકા પાછી ફરશે ત્યારે શું થશે?

5. "મારી ત્રણ શરતો: મારી સાથે વાત ન કરીશ, મને સ્પર્શ ન કરીશ અને મારી કોઈ વાતમાં વચ્ચે ન આવીશ." લગ્નની પહેલી જ રાત્રે નાયકના મોંઢેથી સાંભળીને નાયિકાની આંખોમાં આંસુ આવી ગયા. પણ એણે ખબર છે કે તેણે પોતાના પિતાનું દેવું ચૂકતે કરવા માટે ડાઇવોર્સી અને કરોડપતિ સાથે કોન્ટ્રેક્ટ મેરેજ કર્યા હતા. તેનું કામ માત્ર નાયકના દીકરાનું ધ્યાન રાખવાનું અને તેના જીવનમાં માતાની ભૂમિકા ભજવવાનું છે. પરંતુ આ બધાના નાયિકાની લાગણીનું શું? શું તે નાયકને પ્રેમ કરવા લાગશે? શું નાયક નાયિકાને દિલમાં વસાવી શકશે?

એક પ્લોટ અનેક વાર્તાનું સર્જન કરવાનું માધ્યમ બની રહે છે. ઉપરાંત એક પ્લોટ વાંચીને અનેક નવા પ્લોટ લેખકના મનમાં જન્મે છે! તેથી આમાંના કોઈ પણ પ્લોટને આધાર બનાવીને તમારી મૌલિકતા અને સર્જનાત્મકતા વડે વાચકને એક બેઠકે વાંચવા મજબૂર કરે તેવી અનોખી ધારાવાહિક લખો. આ પ્લોટ્સને ભેગા કરીને કે પછી આ પ્લોટ્સ વાંચીને તદ્દન નવા આવતા વિચારો દ્વારા પ્લોટ બનાવીને લખો પ્રેમની એક અનોખી વાર્તા!

 

વાચકોને આ પ્રકારની નવીન વાર્તાઓ વધુ પસંદ આવતી હોવાથી આવા પ્લોટ તમને આગળ વધવામાં મદદ કરી શકે છે!

 

અમને તમારા તદ્દન નવા સર્જનની પ્રતીક્ષા રહેશે!

 

ઓલ ધ બેસ્ટ!

ટીમ પ્રતિલિપિ