પ્રતિલિપિ
લેખકમિત્રો, રીમઝીમ વરસાદ અને પ્રેમની લાગણી! આ રોમેન્ટિક સિઝન સાથે નવી સ્પર્ધામાં તમારું સ્વાગત છે!
શું તમારે પણ પ્રતિલિપિમાં ગોલ્ડન બેજ મેળવીને દર મહિને નિયમિત આવક ઊભી કરવી છે? તો ગોલ્ડન બેજ મેળવવા માટે પ્રતિલિપિ ખાસ તમારા માટે જ એક્સક્લુઝિવ તક લઈને આવી છે!
'પ્રેમ પ્રસંગ' સ્પર્ધામાં તમારે પ્રેમની અદ્ભુત લાગણી પર 7 સુંદર વાર્તાઓ લખવાની રહેશે. તમારે એક ધારાવાહિકના રૂપમાં 7 ભાગ એટલે 7 વાર્તા પ્રકાશિત કરવાની રહેશે. દરેક વાર્તામાં ઓછામાં ઓછા 600 શબ્દો હોવા જરૂરી છે.
આ સ્પર્ધાની અંતિમ તારીખ 12 સપ્ટેમ્બર રહેશે. ત્યારબાદ નિર્ણાયકો દ્વારા તમામ ધારાવાહિક તપાસવામાં આવશે અને સંપૂર્ણ ધારાવાહિક એટલે કે તમામ વાર્તાની એકંદર ગુણવત્તાના આધારે શ્રેષ્ઠ ધારાવાહિકની પસંદગી કરવામાં આવશે. એટલે તમારી દરેક વાર્તાની ગુણવત્તા ઉત્તમ રાખશો!
વધુ નિયમો જાણવા સંપૂર્ણ ડ્રાફ્ટ ધ્યાનપૂર્વક વાંચશો.
_______________________________________
વાર્તા લખવા માટે તમે વિવિધ પ્લોટ વિચારી શકો તે માટે અમે 10 રસપ્રદ થીમ આપી રહ્યા છે. તમે આ થીમના આધારે વિવિધ વાર્તાઓ લખી શકો છો અથવા તમારી રીતે કોઈપણ થીમ / વિષયમાં પ્રેમ પર આધારિત વાર્તા લખી શકો છો. તમે તમામ વાર્તા અલગ અલગ થીમમાં પણ લખી શકો છો, એટલે કે 7 પ્રેમની વાર્તા લખવા તમે સંપૂર્ણ સ્વત્રંત છો!
1. પ્રેમમાં ભીંજવતો વરસાદ: વરસાદનો સ્પર્શ પ્રેમની લાગણી ખીલવે છે! લખો વરસાદમાં પલળતા પાત્રોની પ્રેમકથા.
2. પહેલી નજરનો પ્રેમ: આંખોનું પ્રથમ મિલન દિલને કનેક્શનનો અહેસાસ કરાવી જાય છે. લખો 'લવ એટ ફર્સ્ટ સાઈટ' પર અનોખી કથા.
3. ડિજિટલ પ્રેમ: ઓનલાઈન સંબંધ, વાસ્તવિકતા અને લાગણી! લખો સાચા પ્રેમને પામતી ડિજિટલ કથા.
4. ઓફિસ રોમાન્સ: બોસ, સહકર્મી કે પ્રોજેક્ટ પાર્ટનરથી લાઈફ પાર્ટનર સુધીની સફર! લખો ઓફિસમાં શરૂ થયેલી લવ ડાયરી.
5. સ્કૂલ/કોલેજ રોમાન્સ: નવા ક્લાસમાં, નવા ધોરણમાં, નવી સ્કૂલમાં કે નવી કોલેજમાં એને જોતા દિલને ધબકવાનું કારણ મળ્યું! લખો કોમળ ફૂલ જેવી ટીનેજ લવ સ્ટોરીઝ.
6. દુશ્મન કે પ્રેમી: નફરતની દોરથી બંધાયેલી લાગણીની વાર્તા! લખો નફરતની આગમાં સળગતા દિલથી પ્રેમના વરસાદમાં ખીલતા દિલની દાસ્તાન.
7. સફરમાં સાથ: સ્વની શોધમાં મળેલા દિલ, મુસાફરીમાં ખીલેલા દિલ, એડવેન્ચર કરવા નીકળેલા પાત્રોની પ્રેમ કહાણી! લખો સફરમાં સાથ આપતી યુનિક લવ સ્ટોરી.
8. કોફી કે ચા: ક્યારેક સામાન્ય સવાલ જીવનભરનો સાથ નક્કી કરે છે! લખો એરેન્જ મેરેજની અનોખી લવ સ્ટોરી.
9. રહસ્યમય પ્રેમ: છુપાયેલા સત્યો, બદલાની ઇચ્છા કે છેતરપિંડીના પડદાં પાછળ રચાતી પ્રેમકથા! લખો પ્રેમની મીઠી ધાર પર લખાયેલી રહસ્યની કથા.
10. નાપસંદ પ્રેમ: પ્રેમમાં તૂટેલું દિલ પ્રેમ પસંદ નથી કરતું, પ્રેમની લાગણી સમજાતી નથી, ગમતા ન હોય તેવા વ્યક્તિ સાથે જીવનની ગાંઠ બાંધવી! લખો લાગણીના કશ્મકશમાં ગૂંથાયેલી પ્રેમકથા.
___________________________________________
નિયમો -
1. આ સ્પર્ધામાં જે લેખકોને પ્રોફાઈલ પર 12 જુલાઈ, 2023 સુધીમાં ગોલ્ડન બેજ પ્રાપ્ત નથી થયો તેઓ ભાગ લઈ શકશે. (સ્પર્ધા દરમિયાન ગોલ્ડન બેજ પ્રાપ્ત થવાથી પણ રચના સ્પર્ધાનો ભાગ બની રહેશે.)
2. ‘લખો’ વિભાગમાં જઈ ધારાવાહિક પ્રકાશિત કરતી વખતે વાર્તાની શ્રેણીઓ પસંદ કરવાનો વિકલ્પ આવશે, ત્યાં ‘પ્રેમ પ્રસંગ' પસંદ કરશો. તેના વગર ધારાવાહિક માન્ય ગણાશે નહીં. (સ્પર્ધાની શ્રેણી સાથે તમે વાર્તાને સુસંગત અન્ય 2 શ્રેણી પસંદ કરી શકશો. સ્પર્ધા પૂર્ણ થયા બાદ સ્પર્ધાની શ્રેણી દૂર કરવામાં આવશે, તેથી સ્પર્ધા પૂર્ણ થાય પછી તમારી વાર્તાને સુસંગત 3 શ્રેણી પસંદ કરી શકશો.)
3. ધારાવાહિકમાં ઓછામાં ઓછી 7 વાર્તા હોવી જોઈએ. દરેક વાર્તા ધારાવાહિકમાં જ એક નવા ભાગ તરીકે પ્રકાશિત કરવાની રહેશે.
4. પ્રેમની લાગણી પર લખાયેલી વધુ ગમે તેટલી વાર્તા / ભાગ તમે ધારાવાહિકમાં ઉમેરી શકશો. જોકે દરેક ભાગમાં વાર્તા પૂર્ણ કરવાની રહેશે. એક વાર્તાને વધુ ભાગમાં લખવાથી ધારાવાહિક માન્ય ગણાશે નહીં.
5. તમે 7 કે વધુ જેટલી પણ વાર્તા ધારાવાહિકમાં પ્રકાશિત કરો તે દરેક વાર્તામાં ઓછામાં ઓછા 600 શબ્દો હોવા જરૂરી છે. મહત્તમ શબ્દ સીમા નથી. વાર્તાની માંગને આધારે તમે વધુમાં વધુ ગમે તેટલા શબ્દોની વાર્તા લખી શકો છો.
6. તમે પ્રતિલિપિ પર અન્ય કોઈ સ્પર્ધામાં આ ધારાવાહિક ઉમેરી શકશો નહીં. પ્રતિલિપિમાં અગાઉ પ્રકાશિત ધારાવાહિક / વાર્તા આ સ્પર્ધામાં માન્ય ગણાશે નહીં. જોકે અન્ય જગ્યાએ પ્રકાશિત તમારી સ્વ-રચિત ધારાવાહિક / વાર્તા તમે સ્પર્ધામાં પ્રકાશિત કરી શકો છો.
7. અંતિમ તારીખ સુધીમાં તમારી ધારાવાહિક ઓછામાં ઓછી 7 વાર્તા સાથે પૂર્ણ થવી જરૂરી છે.
8. ઉપરોક્ત તમામ નિયમો અનુસાર લખવામાં આવેલી ધારાવાહિક સ્પર્ધામાં માન્ય ગણાશે.
___________________________________________
મહત્વની તારીખો -
- સ્પર્ધાની શરૂઆત: 12 જુલાઈ, 2023
- સ્પર્ધામાં ભાગ લેવાની અંતિમ તારીખ: 12 સપ્ટેમ્બર, 2023
- પરિણામની તારીખ: 16 ઓક્ટોબર, 2023
___________________________________________
પુરસ્કાર -
1. ‘ટોપ 7’ વિજેતા ધારાવાહિકને Rs. 1000/- કેશ પ્રાઈઝ આપવામાં આવશે.
2. ‘ટોપ 7’ વિજેતા લેખકોને ફ્રેમ કરેલું ‘વિજેતા પ્રમાણપત્ર’ ઘરે મોકલીને સન્માનિત કરવામાં આવશે.
3. સ્પર્ધામાં તમામ નિયમો સાથે સફળતાપૂર્વક ધારાવાહિક પૂર્ણ કરનાર અન્ય તમામ લેખકોને ‘ડિજિટલ ‘પ્રમાણપત્ર’ દ્વારા સન્માનિત કરવામાં આવશે.
___________________________________________
અન્ય વિશિષ્ટ ફાયદા -
હજારો લેખકો પ્રતિલિપિ પરથી દર મહિને નિયમિત આવક મેળવી રહ્યા છે. તેથી ખાસ ગોલ્ડન બેજ મેળવવા આ સ્પર્ધામાં ભાગ લો. ગોલ્ડન બેજ હાંસલ કરવો એ પ્રતિલિપિ પ્લેટફોર્મ પર એક નોંધપાત્ર સિદ્ધિ છે. તમારી પ્રોફાઇલ પર રહેલો ગોલ્ડન બેજ તમારી સખત મહેનતની નિશાની છે!
ગોલ્ડન બેજ મેળવવા માટે તમારે નીચેની 2 શરતો પૂર્ણ કરવી જરૂરી છે:
(1) તમારી પાસે ઓછામાં ઓછા 200 ફોલોઅર્સ હોવા જોઈએ. (તમે તમારી પ્રોફાઇલમાં તમારા ફોલોઅર્સની સંખ્યા ચકાસી શકો છો.)
(2) તે પછી તમારે 30 દિવસની અંદર ઓછામાં ઓછી 5 રચના પ્રકાશિત કરવી પડશે.
આ સ્પર્ધામાં ભાગ લેવાથી તમે ઓછામાં ઓછા 7 ભાગની ધારાવાહિક લખશો. એટલે ધારાવાહિક લેખન વિશે તમને જાણકારી મળશે. ઉપરાંત તમે દરેક ભાગના અંતે તમારા વાચકોને તમને ફોલો કરવા વિનંતી પણ કરી શકો છો. જેનાથી તમારા ફોલોઅર્સ વધશે.
તમારી ધારાવાહિકની લિંક પરિવાર તથા મિત્રો સાથે વોટ્સએપ, ફેસબુક, ઇન્સ્ટાગ્રામ અને અન્ય તમારા એકાઉન્ટ પર વારંવાર શેર કરો. તમને પ્રતિલિપિમાં ફોલો કરવા અને તમારી ધારાવાહિક વાંચવા પ્રોત્સાહિત કરો. પ્રતિલિપિના પોસ્ટ વિભાગમાં વાચકો સાથે અપડેટ્સ શેર કરો.
જો તમારી ધારાવાહિક વિજેતા લિસ્ટમાં આવે તો તમે ઝડપથી લોકપ્રિય બની શકશો. ઉપરાંત સ્પર્ધામાં ભાગ લેવાથી તમારા લેખનમાં શિસ્ત/નિયમિતતા આવશે. જે તમને વધુ લખવા પ્રેરિત કરશે.
___________________________________________
વાર્તાનું પ્રમોશન કેવી રીતે કરવું? -
___________________________________________
સુનિશ્ચિત કરો કે તમે પ્રતિલિપિ એપ્લિકેશનનું લેટેસ્ટ વર્ઝન વાપરો છો. (પ્લે સ્ટોર પર જઈ પ્રતિલિપિ એપમાં નવી અપડેટ હોય તો એના દ્વારા એપ અપડેટ કરી લેશો.) સ્પર્ધા અંગેના અન્ય કોઈપણ પ્રશ્ન માટે events@pratilipi.com પર સંપર્ક કરશો.
ઓલ ધ બેસ્ટ! લખો પ્રેમની અદ્ભુત લાગણી પર 7 સુંદર વાર્તાઓ!