આપણો 12 વર્ષનો સંગાથ ❤️

નમસ્કાર પ્રિય લેખક, 

હું પ્રતિલિપિ છું :) 

આ વર્ષે અત્યાર સુધીમાં મેં તમને બે પત્રો લખ્યા છે :) આ રહ્યો તમારો પહેલો પત્ર અને બીજો પત્ર.

તમને એક ખાસ વાત કહેવી છે.  આ મહિને, તમારી પ્રતિલિપિ એ 12 વર્ષ પૂર્ણ કર્યા છે! 14 સપ્ટેમ્બર એ પ્રતિલિપિનો 12મો બર્થડે હતો.

આજથી 12 વર્ષ પહેલા પ્રતિલિપિ એ એક સપનું જોયું. આ સપનું એટલે, એક એવું પ્લેટફોર્મ બનાવવાનું સપનું, જ્યાં દરેક લેખક કોઈપણ ભાષા, ડિવાઇસ, ફોર્મેટ કે કોઈ પણ ખૂણા પર બેસીને,  અડચણ વિના પોતાની વાર્તાઓ દુનિયાને સંભળાવી શકે. અને તેથી જ તમે અમારા સપનાંના ભાગ રૂપે, તમારા ફોન કે લેપટોપ પરથી ભારતની કોઈપણ ભાષામાં લખી શકો છો. અને તમારી વાર્તાઓ માત્ર એક જગ્યાએ અટવાતી નથી — તે ઑડિયો, કૉમિક્સ, છાપેલાં પુસ્તકો, ટીવી સિરીઝ અને ફિલ્મ જગતની દુનિયામાં એક નાનકડી હોડી બનીને અવિરત વહેતી રહે છે. જેમ સાચા હીરાની પરખ ઝવેરીને જ હોય તેમ અમને મૂલ્યવાન લેખકની પરખ છે.  અમારું સપનું છે કે, એક દિવસ હજારો લેખકો માત્ર પોતાના શબ્દોથી જ પોતાનું ગુજરાન ચલાવી શકે.

અને હા, આ તો હજી શરૂઆત જ છે!

આ સફરમાં અમે આગળ વધી રહ્યા છીએ — અને એ શક્ય બન્યું છે તમારા કારણે, અમારા વ્હાલા લેખકો અને વાચકોના કારણે.  

જરા નજર તો કરો આપણે ક્યાં પહોંચી ગયા:

1. છેલ્લા 12 મહિનામાં જ પ્રતિલિપિના લેખકોએ કુલ ₹38.2 કરોડની કમાણી કરી છે. 2025માં આ કમાણી ₹24.9 કરોડ હતી, જ્યારે 2024માં ₹14.8 કરોડ હતી.

2. ઑગસ્ટ 2026, સુધીમાં કુલ 10,104 લેખકો પ્રતિલિપિ પરથી કમાણી કરી રહ્યા છે. 2025માં આ સંખ્યા 9,764 અને 2024માં 8,112 હતી.

3. વર્ષ 2026માં અત્યાર સુધીમાં કુલ 90 લેખકોએ કોઈને કોઈ મહિનામાં ₹1 લાખથી વધુની કમાણી કરી છે.

4. માત્ર ઑગસ્ટ મહિનામાં જ કુલ 55 લેખકોએ ₹1 લાખથી વધુની કમાણી કરી છે.

5. આજે 870 લેખકો દર મહિને ₹5,000થી વધુ, 543 લેખકો ₹10,000થી વધુ, અને 268 લેખકો ₹25,000થી વધુ કમાઈ રહ્યા છે.

6. એક વાચક દરરોજ સરેરાશ 1 કલાક 14 મિનિટ પ્રતિલિપિ ઍપ પર વિતાવે છે. આ સમય YouTube કરતાં પણ વધુ છે! અને તમારા સબ્સ્ક્રાઈબર્સ તો દરરોજ સરેરાશ 2 કલાક 36 મિનિટ પ્રતિલિપિ પર વિતાવે છે.

વળી, અમને ખબર છે કે અમારું સપનું મોટું છે — અને આવા સપનાને સાકાર કરવામાં દાયકાઓ લાગી શકે છે. અમે અહીં માત્ર 10-20 વર્ષ માટે નથી, પરંતુ આવનારા દાયકાઓ સુધી તમારી સાથે આ સફર ચાલુ રાખવા માટે છીએ. :)

અને જ્યારે અમારું સપનું અને વિઝન આટલું મોટું છે, ત્યારે અમારા લેખકો સાથે અમે સંપૂર્ણ ઈમાનદારી, પારદર્શિતા અને વિશ્વાસનો સંબંધ જાળવવા માંગીએ છીએ. સૌથી ઉપર, અમારા લેખકો સાથે હંમેશાં સાચું અને યોગ્ય કરવાની કોશિશ — એ જ અમારી પ્રાથમિકતા છે.

અમે લાંબા ગાળે મોટાં સપનાં જોવામાં અને તેને સાકાર કરવામાં પણ માનીએ છીએ. અમે જે કંઈ કરીએ તેમાં કોઈ શૉર્ટકટ લેવા માંગતા નથી. 

અમે ઘણા લોકોને કહેતા સાંભળ્યા છે કે, પ્રતિલિપિ એટલે વાર્તાઓ માટેનું  YouTube. હા, એ વાત સાચી છે. હકીકતમાં, પ્રતિલિપિના ઘણા લેખકો આજે મોટા YouTubers કરતાં પણ વધુ કમાણી કરી રહ્યા છે!

પરંતુ, વધુ યોગ્ય રીતે કહીએ તો, પ્રતિલિપિ એક અનોખું ઈકોસિસ્ટમ છે — એક એવું વિશ્વ, જ્યાં વાર્તાઓ માત્ર લખાતી નથી, પરંતુ નવા-નવા સ્વરૂપોમાં જન્મ લે છે, વાચકો સુધી પહોંચે છે અને લેખકો માટે નવી તકો ઊભી કરે છે.

આ વળી ઈકોસિસ્ટમ શું છે?

તો સાંભળો, Pratilipi Literature પર પબ્લિશ થયેલી શ્રેષ્ઠ વાર્તાઓ પ્રતિલિપિ પર જ ભારતની બીજી ભાષાઓમાં ભાષાંતરિત થઈ શકે છે, Pratilipi FM પર ઑડિયોબુક બની શકે છે, Pratilipi Comics પર કૉમિક્સનું સ્વરૂપ લઈ શકે છે, અથવા તો છપાઈને ભૌતિક પુસ્તક બની શકે છે. એટલું જ નહીં, એ જ વાર્તા ફિલ્મ કે ટીવી સિરીઝમાં રૂપાંતરિત થઈ શકે છે અથવા માઈક્રો-ડ્રામા જેવા નવા અને બદલાતા ફોર્મેટમાં પણ આવી શકે છે. એટલે કે, એક જ વાર્તા અનેક સ્વરૂપોમાં પોતાની નવી સફર શરૂ કરી શકે છે — અને દરેક ફોર્મેટથી લેખકો કમાણી કરી શકે છે. આ જ કારણ છે કે Pratilipi માત્ર એક પ્લેટફોર્મ નથી, પરંતુ એક અનોખું ઈકોસિસ્ટમ છે. :)

અમને ખબર છે કે આ બધું સાકાર થવામાં સમય લાગશે. પરંતુ અમારા લેખકો સાથેનો આ સંબંધ માત્ર આજ કે આવનારા થોડાં વર્ષો પૂરતો નથી. અમે દાયકાઓ સુધી આ સફર તમારી સાથે ચાલુ રાખવા માટે તૈયાર છીએ.

અમારા પર વિશ્વાસ મૂકવા બદલ દિલથી તમારો આભાર.

તમારા લીધે જ અમે આજે અહીં છીએ.

જો તમને પ્રતિલિપિ વિશે કોઈ પણ ખટ્ટ-મીઠ્ઠો અનુભવ શેર કરવો હોય તો આ રહી તેની લિંક: https://docs.google.com/forms/d/e/1FAIpQLSdpKo3TwoLVhymoXUeYYYrqMMx7MKjLnvNBpVn5dhixQE5P0w/viewform?usp=publish-editor

સ્નેહ સાથે,

તમારી પ્રતિલિપિ.