આ સ્પર્ધા પૂર્ણ થઈ છે. અહીં ક્લિક કરીને તમે પરિણામ જોઈ શકશો.

 

શું તમને લાગે છે કે વાર્તા લખવાથી પ્રસિદ્ધિ મેળવી શકાય? 60 કરતાં વધુ ભાગમાં લખવામાં આવેલી એક નવલકથા તમારું જીવન બદલી શકે છે. પ્રતિલિપિ શોધી રહ્યું છે ભારતની 9 ભાષાઓમાં શ્રેષ્ઠ લેખકો! 

 

સ્વાગત છે આપનું દેશની સૌથી મોટી ધારાવાહિક સ્પર્ધામાં: ‘સુપર રાઇટર્સ એવોર્ડ - 4’. આ સ્પર્ધા ભારતીય સાહિત્ય જગતમાં એક નવું સોપાન! જે લેખકો પોતાની કલમથી કમાલ કરવાનું સામર્થ્ય ધરાવે છે તેમના માટે આ એક અનેરો અવસર છે. જીતો લાખો રૂપિયાના ઇનામો, અદ્દભુત લોકપ્રિયતા, લાંબી નવલકથા લખનાર દરેકને નિશ્ચિત ઈનામ, વિજેતાઓને કુરિયર દ્વારા ફ્રેમ કરેલું પ્રમાણપત્ર, પ્રતિલિપિના પ્રકાશન હેઠળ પુસ્તક-પ્રકાશનનો મોકો અને પ્રતિલિપિ એપ પર 3 કરોડ કરતાં વધુ વાચકોનો અવિરત પ્રેમ!

 

ચાલો, આ વખતે આપણે સાથે મળીને ઇતિહાસ સર્જીએ! આ સમય છે આખી દુનિયા સામે તે સાબિત કરવાનો કે આપણી માતૃભાષા ગુજરાતીમાં લખાયેલી એક અનોખી નવલકથા લેખકના સપના પૂરા કરી તેનું જીવન બદલી નાખવા સક્ષમ છે. આપના મનમાં રમતા અદ્દભુત વિષયવસ્તુને, પાત્રોને, ઘટનાઓને અને વિચારોને આપની કલમથી જીવંત બનાવો. તમારી શ્રેષ્ઠ વાર્તાની સર્વશ્રેષ્ઠ રજૂઆત માટે આ વખતે તમારી પાસે પૂરા છ મહિનાનો સમય છે. 

 

નોંધ: કૃપા કરી સ્પર્ધાની તમામ વિગતો છેલ્લે સુધી વાંચો. 

 

—————————

સૌથી પહેલા તો અમારા એક્સક્લુઝિવ ઇનામો પર નજર કરો:

 

પુરસ્કાર:

 

1. પ્રથમ વિજેતા: ₹ 31,000 કેશ પ્રાઇઝ + પ્રતિલિપિ દ્વારા પુસ્તક પ્રકાશન + લેખકને પોતાના પુસ્તકની 20 ફ્રી નકલ + એક બ્રાન્ડ ન્યુ Amazon Kindle

2. દ્વિતીય વિજેતા: ₹ 26,000 કેશ પ્રાઇઝ + પ્રતિલિપિ દ્વારા પુસ્તક પ્રકાશન + લેખકને પોતાના પુસ્તકની 20 ફ્રી નકલ + એક બ્રાન્ડ ન્યુ Amazon Kindle 

3. તૃતીય વિજેતા: ₹ 17,000 કેશ પ્રાઇઝ + પ્રતિલિપિ તરફથી એક એક્સક્લુઝિવ સરપ્રાઈઝ ગિફ્ટ

4. ચોથા વિજેતા: ₹ 11,000 કેશ પ્રાઇઝ + પ્રતિલિપિ તરફથી એક એક્સક્લુઝિવ સરપ્રાઈઝ ગિફ્ટ

5. પાંચમાં વિજેતા: ₹ 7000 કેશ પ્રાઇઝ + પ્રતિલિપિ તરફથી એક એક્સક્લુઝિવ સરપ્રાઈઝ ગિફ્ટ

6. પછીના અન્ય 5 વિજેતાઓને ₹ 3000 કેશ પ્રાઇઝ!

7. પછીના અન્ય 10 વિજેતાઓને ₹ 1000 કેશ પ્રાઇઝ!

8. ઉપરની ટોપ 20 વિજેતા ધારાવાહિકને પ્રતિલિપિ પ્રીમિયમ વિભાગમાં સીધી એન્ટ્રી મળશે. એટલે કે આ લેખકોને સબસ્ક્રિપ્શન થકી દર મહિને આવક મેળવી શકશે. 

 

અરે, ઇનામોની યાદી હજુ બાકી છે!

 

8. હજુ અન્ય 15 વિજેતાઓને ₹ 1000 કેશ પ્રાઇઝ!

9. ટોપ 35 વિજેતાઓને ફ્રેમ કરેલું પ્રિન્ટેડ પ્રમાણપત્ર ઘરે મોકલવામાં આવશે. 

10. ભાગ લેનાર દરેક સ્પર્ધકને આકર્ષક ડિજિટલ પ્રમાણપત્ર દ્વારા સન્માનિત કરવામાં આવશે. 

11. 100 કરતાં વધુ ભાગની ધારાવાહિક/નવલકથા લખવાની વિશિષ્ટ સિદ્ધિ મેળવનાર દરેક લેખકના સાહિત્ય-સર્જનને બિરદાવવા માટે તેમને કુરિયર દ્વારા નિશ્ચિત ઈનામ કે પુરસ્કાર મોકલીને સન્માનિત કરવામાં આવશે. અમારી એડિટર ટીમ આ બધી જ લાંબી નવલકથાનો અભ્યાસ કરશે અને તે પૈકી પસંદગીની નવલકથા પ્રતિલિપિના પ્રીમિયમ વિભાગમાં લેવામાં આવશે. 

 

————————

 

નિયમો:

 

1. આ એક્સક્લુઝિવ સ્પર્ધામાં કોણ ભાગ લઈ શકે?

- પ્રતિલિપિમાં પોતાની પ્રોફાઈલ પર ગોલ્ડન બેજ ધરાવતા તમામ લેખકો આ સ્પર્ધામાં ભાગ લેવાની યોગ્યતા ધરાવે છે. 

 

2. આ સ્પર્ધામાં ભાગ લેવા મારે શું લખવું જોઈએ?

- પ્રતિલિપિ એપ પર ધારાવાહિક સ્વરૂપે એક નવી નવલકથા લખવાની રહેશે. આપ કોઈ પણ શ્રેણી અથવા વિષય પર આપની ધારાવાહિક નવલકથા લખી શકો છો. 

- આપની નવલકથામાં ઓછામાં ઓછા 60 ભાગ હોવા જોઈએ અને દરેક ભાગમાં ઓછામાં ઓછા 1000 શબ્દો હોવા જોઈએ. 

- વધુમાં વધુ ભાગ કે શબ્દ-સંખ્યા માટે કોઈ મર્યાદા નથી. આપ એક ભાગમાં 1000 કરતાં વધુ ગમે તેટલા શબ્દો અને 60 કરતાં વધુ ગમે તેટલા ભાગ લખવા સ્વતંત્ર છો. જો કે આપ જેટલા પણ વધુ ભાગ લખો એ દરેક ભાગમાં ઓછામાં ઓછા 1000 શબ્દો હોવા જરૂરી છે. 

- આપની ધારાવાહિક સુપરફેન સબસ્ક્રિપ્શન પ્રોગ્રામ અંતર્ગત રાખવી ફરજિયાત છે. 

- આપ ઈચ્છો તો એક કરતાં વધુ ધારાવાહિક પણ લખી શકો છો. જેથી વધુ ધારાવાહિક નવલકથા હોવાથી જીતવાની સંભાવના પણ વધી શકે છે!

 

3. મહત્વની તારીખો:

- સ્પર્ધાની શરૂઆત: 1 સપ્ટેમ્બર, 2022 

- સ્પર્ધામાં ભાગ લેવાની અંતિમ તારીખ: 28 ફેબ્રુઆરી, 2023  

- પરિણામની તારીખ: 5 મે, 2023  

 

4. આ સ્પર્ધામાં કેવી રીતે ભાગ લેવો?

- ગત સિઝનમાં અમે કોઈ પણ ‘સુપર રાઇટર્સ એવોર્ડ’માં ભાગ લેવાની પદ્ધતિની વિસ્તૃત સમજણ આપતો એક વિડિયો તૈયાર કર્યો હતો. અહીં ફરીથી એ જ વિડિયો શેર કરી રહ્યા છીએ પરંતુ યાદ રહે, આ વખતે સ્પર્ધાના નિયમોમાં કેટલાક ફેરફાર કરવામાં આવ્યા છે. 

- વિડિયો લિંક: https://www.youtube.com/watch?v=gyI1hK3owtI

- ખાસ નોંધ: આ સ્પર્ધામાં ભાગ લેવા આપની નવલકથા પ્રકાશિત કરતી વખતે ‘સુપર રાઇટર્સ એવોર્ડ - 4’ શ્રેણી પસંદ કરવી ફરજિયાત છે. 

- આપની ધારાવાહિક સ્પર્ધાની અંતિમ તારીખ સુધીમાં, એટલે કે 28 ફેબ્રુઆરી, 2023 સુધીમાં પૂર્ણ થવી ફરજિયાત છે. અધૂરી ધારાવાહિક સ્પર્ધામાં માન્ય ગણાશે નહિ. (આપની ધારાવાહિકના ભાગ 28 ફેબ્રુઆરી, 2023 સુધીમાં અનલોક થઈ જવા ફરજિયાત નથી.)

 

5. મારી પાસે ગોલ્ડન બેજ નથી, મારે શું કરવું?

- આ સ્પર્ધા માત્ર ગોલ્ડન બેજ ધરાવતા લેખકો માટે જ છે. પણ નિરાશ ન થશો. આ સ્પર્ધા દરમિયાન આપ પણ ગોલ્ડન બેજ મેળવવા પ્રયાસ કરી શકો છો. ગોલ્ડન બેજ પ્રાપ્ત થયા બાદ ચોક્કસપણે આ સ્પર્ધામાં ભાગ લઈ શકો છો. 

 

6. પ્રતિલિપિ પર ગોલ્ડન બેજ મેળવવા હું શું કરી શકું?

- પ્રતિલિપિ પર ગોલ્ડન બેજ લેખક બનવા માટે બે સામાન્ય શરતોનું પાલન થવું જરૂરી છે:

1. આપની પાસે ઓછામાં ઓછા 200 ફોલોઅર્સ હોવા જોઈએ. 

2. આપે છેલ્લા 30 દિવસમાં ઓછામાં ઓછી 5 રચના પ્રકાશિત કરી હોવી જોઈએ.

 

- તેથી આ શરતો પૂર્ણ કરીને ગોલ્ડન બેજ મેળવતા જ આપ સ્પર્ધામાં ભાગ લઈ શકશો.

 

7. સ્પર્ધાના પરિણામ માટે મૂલ્યાંકનના કયા કયા માપદંડ રહેશે?

- ધારાવાહિક નવલકથાનો પ્લોટ, પાત્રો અને એનું વર્ણન, વાર્તાની પકડ - વાર્તાને રસપ્રદ બનાવવાની ક્ષમતા, સામાન્ય વ્યાકરણ, વગેરે જેવા વિવિધ મુદ્દાઓ પર ધારાવાહિકનું મૂલ્યાંકન થશે.

 

ખાસ આપના માટે (વિજેતા થવા આ બાબતો પણ જાણો!) :

 

- પ્રતિલિપિમાં લાંબી ધારાવાહિક નવલકથા લખવા વિશેના ઘટકો જાણવા માટે અહીં ક્લિક કરશો.

 

- પ્રતિલિપિ પર સૌથી વધુ લોકપ્રિય પ્રેમ/રોમાન્સ શ્રેણીની વાર્તાઓના ઘટકોને જાણવા માટે અહીં ક્લિક કરશો.

 

- વિવિધ શ્રેણી/કેટેગરીમાં વાર્તા લખવા માટેની પાયાની બાબતો જાણવા માટે અહીં ક્લિક કરશો.

 

- વાર્તા લેખન માટેની પાયાની બાબતો જાણવા માટે અહીં ક્લિક કરશો.

—————————

 

કેટલીક મહત્વની ટેકનિકલ માહિતી:

1. આપ એ સુનિશ્ચિત કરો કે આપ પ્રતિલિપિ એપ્લિકેશનનું લેટેસ્ટ એન્ડ્રોઇડ વર્ઝન વાપરી રહ્યા છો. ગૂગલ પ્લે સ્ટોર પરથી અપડેટ અંગે માહિતી મેળવી શકાય છે. 

 

2. એપ અપડેટ કર્યા બાદ પણ આપની રચના પ્રકાશિત કરતી વખતે જો આપને ‘સુપર રાઇટર એવોર્ડ-4’ શ્રેણી ન જોવા મળે તો તુરંત [email protected] પર અમારો સંપર્ક કરશો. 

 

3. ‘ટોપ લેખકો/લીડરબોર્ડ’ ફીચરને સ્પર્ધા સાથે કોઈ સંબંધ નથી. તેથી આ સ્પર્ધા માટે તેને ધ્યાનમાં રાખીને કઇ વિચારવું નહિ. જો તમે આ પેજની નીચે 'બધી એન્ટ્રીઓ' એવું જુઓ છો, તો તે માત્ર ટેકનીકલ સમસ્યા છે. એને સ્પર્ધા કે એન્ટ્રી સાથે કોઈ સંબંધ નથી. રચના પ્રકાશિત કરતી વખતે સ્પર્ધાની શ્રેણી પસંદ કરતા આપની રચના આપોઆપ સ્પર્ધાનો ભાગ બને છે.

 

4. તમારી ધારાવાહિક પૂર્ણ થયા બાદ જયારે તેમાં બધા ભાગ અનલોક થઇ જાય ત્યારે તેનું સ્ટેટસ 'સમાપ્ત' પસંદ કરશો. આમ કરવાથી આપની રચના સબસ્ક્રિપ્શનમાંથી બહાર આવી જશે, પણ આમ થવું સામાન્ય છે. આપ નિશ્ચિંત રહેશો. ધારાવાહિક પ્રથમથી અંતિમ ભાગ પ્રકાશિત થાય ત્યાં સુધી સબસ્ક્રિપ્શન હેઠળ રહેવી આવશ્યક છે. 

 

હજુ પણ કોઈ પ્રશ્ન કે મૂંઝવણ છે?

કોઈ પણ મુંઝવણ જણાય તો નિઃસંકોચ રહી [email protected] પર અમારો સંપર્ક કરશો. ટીમ પ્રતિલિપિ હંમેશા તમારી સાથે છે. 

 

બસ ત્યારે, રાહ શેની જુઓ છો? લખો તમારી શ્રેષ્ઠ નવલકથા અને કરો આપના સપનાઓ સાકાર. કોણ બનશે આગામી સુપર રાઇટર? દેશના સર્વશ્રેષ્ઠ લેખકને શોધવા અમે અત્યંત આતુર છીએ, તમે પણ આ સ્પર્ધા માટે તૈયાર છો ને?

 

‘સુપર રાઇટર એવોર્ડ - 4’ સ્પર્ધામાં સર્વશ્રેષ્ઠ પ્રદર્શન કરવા ટીમ પ્રતિલિપિ તરફથી આપને ખૂબ શુભેચ્છાઓ!